Իրանում՝ ուժգին երկրաշարժից կան տուժածներ

Իրանի հյուսիսարևելյան Ռազավի Խորասան նահանգում տեղի ունեցած 5 մագնիտուդ ուժգնությամբ երկրաշարժից 19 մարդ է տուժել, հայտնում է Tasnim գործակալությունը:

«Էպիկենտրոնին մոտ գտնվող քաղաքներում կան տուժածներ։ Ներկա պահին հայտնի է, որ  տուժել է 19 մարդ։ Վիրավորների թիվը, ամենայն հավանականությամբ, կաճի, սակայն վնասվածքները աննշան են, և բոլորի վիճակը լավ է»,- հայտնում է պարբերականը:

Հիշեցնենք՝ Ռազավի Խորասանի նահանգապետը Mehr-ին տված հարցազրույցում նշել էր, որ երկրաշարժը գրանցվել է Ռաշթխար քաղաքում՝ 10 կիլոմետր խորության վրա։ Երկրաշարժը տեղի է ունեցել առավոտյան ժամը 5-ին։

Նյութական վնասը գնահատելու համար տարածք են գործուղվել գնահատման խմբեր։ Երկրաշարժը զգացվել է նաև մերձակա Խաֆ և Թորբաթ Հեյդարիե քաղաքներում։