Նոր երկրաշարժ՝ Թուրքիայում
Այսօր Թուրքիայի արևմտյան հատվածում գտնվող Քյութահյա նահանգի Սիմավ շրջանի տարածքում տեղի է ունեցել 4.2 մագնիտուդ ուժգնությամբ երկրաշարժ։
Ըստ Թուրքիայի Արտակարգ իրավիճակների կառավարման վարչության (AFAD) պաշտոնական կայքում հրապարակված տվյալների՝ ստորգետնյա ցնցումները գրանցվել են տեղական ժամանակով 14:38-ին, իսկ երկրաշարժի էպիկենտրոնը գտնվել է 10.66 կիլոմետր խորության վրա։
Սեյսմիկ իրադարձությունից անմիջապես հետո շրջան են ուղարկվել արագ արձագանքման խմբեր՝ իրավիճակը գնահատելու համար։ Քյութահյա նահանգապետ Մուսա Իշինը TRT Haber հեռուստաալիքին հայտնել է, որ մինչ այս պահը որևէ հաղորդում վնասների, զոհերի կամ վիրավորների մասին չի ստացվել։
