Էրդողանը խոսել է հնարավոր սադրանքների մասին

Թուրքիայի նախագահ Ռեջեփ Թայիփ Էրդողանն Իտալիայից վերադառնալուց հետո ինքնաթիռում լրագրողների հետ զրույցում խոսել է հնարավոր սադրանքների մասին, որոնք ուղղված կլինեն Ուկրաինայում խաղաղության գործընթացը խաթարելուն։ Նրա խոսքերը մեջբերում է ՌԻԱ Նովոստին։

«Այս պատճառով և՛ Ռուսաստանի Դաշնությունը, և՛ Ուկրաինան պետք է անկեղծորեն կոչ անեն խաղաղության և դադարեցնեն ռազմական հակամարտությունը՝ առանց որևէ հնարավորություն տալու նրանց, ովքեր ցանկանում են թունավորել այս գործընթացը», - ասել է նա։

Էրդողանը նշել է, որ Կիևն ու Մոսկվան պետք է «ամրապնդեն փոխադարձ վստահությունը», որպեսզի «խաղաղության գործընթացը երկարաժամկետ հաջող լինի»։

«Մենք կշարունակենք նպաստել և աջակցել խաղաղությանը», - եզրափակել է Թուրքիայի նախագահը։