Զելենսկին` Պուտինի հայտարարած զինադադարի մասին
Ուկրաինայի նախագահ Զելենսկին մեկնաբանել է հաղթանակի 80-ամյակի օրերին Ռուսաստանի նախագահ Պուտինի հայտարարած զինադադարը:
«Կրկին մանիպուլյացիայի հերթական փորձ. չգիտես ինչու, բոլորը պետք է սպասեն մայիսի 8-ին և միայն այդ ժամանակ դադարեցնեն կրակը, որպեսզի շքերթի ժամանակ Պուտինին լռություն ապահովեն։
Մենք գնահատում ենք մարդկանց կյանքը, ոչ թե շքերթները: Կրակը պետք է դադարեցվի ոչ թե մի քանի օրով, որպեսզի հետո նորից սկսվի, այլ անմիջապես, ամբողջությամբ և անվերապահորեն՝ առնվազն 30 օրով, որպեսզի դա լինի երաշխավորված և հուսալի: Սա կարող է հիմք դառնալ իրական դիվանագիտության համար»,- ասել է նա:
