Ուզում ենք հասկանալ՝ ինչ է մտածում Վաշինգտոնը մեր հարաբերությունների մասին. Լավրով
Մոսկվան և Վաշինգտոնը կարող են վերադառնալ սպառազինությունների վերահսկման շուրջ բանակցություններին՝ Միացյալ Նահանգների կողմից երկխոսության նկատմամբ հավասար և փոխադարձ հարգանքի մոտեցման դեպքում։ Այս մասին CBS հեռուստաալիքին տված հարցազրույցում հայտարարել է Ռուսաստանի արտաքին գործերի նախարար Սերգեյ Լավրովը։
«Հենց Միացյալ Նահանգներն է դուրս եկել ռազմավարական կայունության ամրապնդման գործընթացից, և եթե ԱՄՆ–ն ցանկանում է վերադառնալ այս ուղուն, ապա Ռուսաստանի Դաշնությունը կուսումնասիրի այն պայմանները, որոնց դեպքում դա հնարավոր կլինի։ Քանի որ ԱՄՆ դոկտրինալ փաստաթղթերում մեզ անվանում են «հակառակորդ», իսկ որոշ ժամանակ առաջ ամերիկացի պաշտոնյաները մեզ անվանում էին «թշնամի», մենք ուզում ենք հասկանալ, թե ինչ է մտածում Վաշինգտոնը մեր հարաբերությունների մասին և արդյոք նա պատրաստ է իրավահավասար, փոխադարձ հարգալից երկխոսության, որն ուղղված է շահերի հավասարակշռության որոնմանը: Եթե մոտեցումն այդպիսին է, ապա ամեն ինչ էլ հնարավոր է»,- ասել է նա:
Հիշեցնենք` ավելի վաղ ՌԴ նախագահ Վլադիմիր Պուտինը հայտարարել էր, որ Ռուսաստանը դադարեցնում է մասնակցությունը ռազմավարական հարձակողական սպառազինությունների կրճատման ռուս-ամերիկյան պայմանագրին, սակյան ընդգծելով, որ երկիրը դուրս չի գալիս պայմանագրից:
