Թրամփի հայացքները համընկնում են ՌԴ-ի դիրքորոշման հետ․ Պեսկով

Ուկրաինայում իրավիճակի վերաբերյալ Թրամփի ընկալման մեջ կան բազմաթիվ տարրեր, որոնք համընկնում են Ռուսաստանի դիրքորոշման հետ։ Այս մասին հայտարարել է ՌԴ մամուլի քարտուղար Դմիտրի Պեսկովը, գրում է «ՏԱՍՍ»-ը։

«Ուկրաինայում իրավիճակի վերաբերյալ Թրամփի ընկալման մեջ կան բազմաթիվ տարրեր, որոնք համընկնում են Ռուսաստանի դիրքորոշման հետ։ Դեռ վաղ է խոսել Ուկրաինայի հարցով գործարքի պայմանների մասին»։

Հավելենք՝ Թրամփը Time ամսագրին տված հարցազրույցում հայտարարել էր, որ Ուկրաինայի նախագահ Վլադիմիր Զելենսկին պետք է ճանաչի Ղրիմը որպես Ռուսաստանի Դաշնության մաս։

ԱՄՆ առաջնորդը նաև նշել է ՆԱՏՕ-ին անդամակցելու Ուկրաինայի ցանկությունը որպես հակամարտության մեկնարկի պատճառներից մեկը, «ուստի Կիևը ստիպված կլինի հրաժարվել այդ ծրագրերից հանուն խաղաղության»։