Ես պահանջում եմ դա, անհապաղ պետք է զբաղվել այս հարցով․ Թրամփ

ԱՄՆ ռազմանավերն ու առևտրային նավերը պետք է ազատվեն Պանամայի և Սուեզի ջրանցքներով անցման տուրքերից։ Այս մասին հայտարարել Է Սպիտակ տան ղեկավար Դոնալդ Թրամփը, գրում է «Ռիա Նովոստի»-ն։

Նրա խոսքով՝ այդ անցակետերը չէին կարող գոյություն ունենալ, եթե չլիներ ԱՄՆ-ը։

«Ամերիկյան նավերը, ինչպես ռազմական, այնպես էլ առևտրային, պետք է թույլ տան անվճար անցում կատարել Պանամայի և Սուեզի ջրանցքներով: Այս ալիքները գոյություն չէին ունենա առանց Ամերիկայի Միացյալ Նահանգների։ Ես խնդրել եմ պետքարտուղար Մարկո Ռուբիոյին անհապաղ զբաղվել այս հարցով», - գրել է Թրամփը։

Հիշեցնենք, որ իր երդմնակալությունից անմիջապես հետո Դոնալդ Թրամփը հայտարարեց Պանամայի ջրանցքը վերահսկողության տակ վերցնելու մտադրության մասին: Սակայն, չնայած ԱՄՆ-ի ճնշումներին, Պանամայի իշխանությունները հրաժարվել են նման որոշումից։

Հավելենք, որ տնտեսագետների գնահատմամբ՝ այս տրանսպորտային զարկերակով է անցնում ԱՄՆ-ում կոնտեյներային բոլոր փոխադրումների մինչև 40% - ը։