Կան մի քանի տարաձայնություններ. Արաղչին մեկնաբանել է ԱՄՆ-ի հետ բանակցությունները
Իրանի արտաքին գործերի նախարար Աբբաս Արաղչին հայտարարել է, որ գոհ է Միացյալ Նահանգների հետ բանակցությունների առաջընթացից՝ Իսլամական Հանրապետության միջուկային ծրագրի շուրջ ճգնաժամը կարգավորելու համար, սակայն հավելել է, որ «մեր լավատեսությունը չափազանց զգուշավոր է»։
«Մենք գոհ ենք բանակցությունների ընթացքից, երկու կողմերն էլ լրջորեն են տրամադրված, ես լավատես եմ համաձայնության գալու հարցում, բայց վերապահված մոտեցում ունեմ»,- ասել է նա։
Արաղչին նշել է, որ երկխոսությունն անցել է ավելի լուրջ մթնոլորտում, սակայն որոշակի տարաձայնություններ են առաջացել, ուստի, կողմերը պետք է լրացուցիչ խորհրդակցություններ անցկացնեն տանը:
«Բանակցությունների երրորդ փուլն ավելի լուրջ ստացվեց, քան նախորդները, աստիճանաբար խորանում ենք տեխնիկական մանրամասների մեջ»,- ասել է Արաղչին:
Ըստ նրա՝ կոնկրետ հարցերի շուրջ կան մի քանի տարաձայնություններ՝ «որոշները լուրջ են, որոշները՝ ոչ»։
