Չինաստանը Հարավչինական ծովում վիճելի խութ է գրավել և բարձրացրել իր դրոշը. FT
Չինաստանը Հարավչինական ծովում Ֆիլիպինների ռազմաբազայի մոտակայքում վիճելի խութ է գրավել: Այս մասին գրում Է Financial Times-ը:
Պարբերականի տվյալներով՝ չինացի զինվորները Սենդի-Քեյ կղզում բարձրացրել են ՉԺՀ-ի դրոշը՝ այն հայտարարելով իրենց տարածք։
«Սա երկար տարիների ընթացքում առաջին դեպքն է, երբ Պեկինը, որը հավակնում է Հարավչինական ծովին, պաշտոնապես իր դրոշը տեղադրել է նախկինում չզբաղեցված մեկ այլ տարածքում»,-գրում է պարբերականը:
Ընդգծվում է, որ իրադարձությունը տեղի է ունեցել ֆիլիպինա-ամերիկյան զորավարժություններից առաջ:
