Ավարտվեց ԱՄՆ-Իրան բանակցությունների երկրորդ փուլը. ինչ է քննարկվել
Մասկատում ավարտվել է ԱՄՆ-ի և Իրանի անուղղակի բանակցությունների հերթական փուլը: Բանակցությունները կշարունակվեն հաջորդ շաբաթ, մայիսի 3-ին նախատեսված է բարձր մակարդակի ևս մեկ հանդիպում։
Օմանի արտգործնախարարը բանակցություններից հետո հայտնել է, որ դրանք ընդգծեցին փոխադարձ հարգանքի և կայուն պարտավորությունների հիման վրա համաձայնության հասնելու ընդհանուր շահագրգռվածությունը: Նրա խոսքով՝ կողմերը քննարկել են հնարավոր գործարքի հիմնական սկզբունքները, նպատակներն ու տեխնիկական հարցերը:
Իրանի արտգործնախարության խոսնակ Էսմայիլ Բաղաեին էլ նշել էր, որ կողմերը Օմանի միջնորդությամբ փոխանակում են իրենց տեսակետները երկու հիմնական ուղղություններով՝ պատժամիջոցների արդյունավետ դադարեցում և Իրանի միջուկային ծրագրի խաղաղ բնույթի նկատմամբ վստահության ամրապնդում:
