Ուշակովը մանրամասներ է հայտնել Պուտինի և Ուիթքոֆի հանդիպումից

Ռուսաստանի նախագահի օգնական Յուրի Ուշակովը խոսել է Կրեմլում Ռուսաստանի առաջնորդ Վլադիմիր Պուտինի և ԱՄՆ նախագահի հատուկ ներկայացուցիչ Սթիվեն Ուիթքոֆի միջև կայացած բանակցությունների մասին։

Ուշակովի խոսքով՝ վերջին հանդիպումը մոտեցրել է Ռուսաստանի Դաշնության և Միացյալ Նահանգների դիրքորոշումները ոչ միայն Ուկրաինայի հարցում։

«Այս զրույցը թույլ տվեց մեզ ավելի մոտեցնել Ռուսաստանի և Միացյալ Նահանգների դիրքորոշումները ոչ միայն Ուկրաինայի, այլև մի շարք այլ միջազգային հարցերի վերաբերյալ», - նշել է Ռուսաստանի առաջնորդի օգնականը։

Ուշակովը նշել է, որ Պուտինը և Ուիթքոֆը քննարկել են Ռուսաստանի և Ուկրաինայի միջև ուղիղ բանակցությունների վերսկսման հնարավորությունը։ Նրա խոսքով՝ երեք ժամ տևած հանդիպումը կառուցողական էր։