Սիրիայի նոր դրոշը բարձրացվել է Նյու Յորքում ՄԱԿ-ի կենտրոնակայանում
Սիրիայի արտաքին գործերի նախարար Ասադ ալ-Շեյբանին Նյու Յորքում գտնվող ՄԱԿ-ի կենտրոնակայանում բարձրացրել է Սիրիայի Արաբական Հանրապետության նոր դրոշը՝ կանաչ, սպիտակ և սև՝ երեք կարմիր աստղերով։
Այս գույնի դրոշն օգտագործվել է 1930-ականների սկզբից, երբ Առաջին համաշխարհային պատերազմից հետո Սիրիան և Լիբանանը դարձան Ֆրանսիայի մանդատային տարածքներ։ Այս նույն դրոշով Սիրիան դարձավ անկախ պետություն 1946 թվականին։ Այն օգտագործվում է սիրիական ընդդիմության կողմից 2011 թվականից ի վեր։
Նախարարը Նյու Յորքում է, որտեղ նա կմասնակցի ՄԱԿ-ի Անվտանգության խորհրդի՝ Սիրիայի հարցով նիստին, որը կկայանա օրվա ընթացքում։ Մինչ այդ, ալ-Շեյբանին մասնակցել է երկրի նոր դրոշի բարձրացման արարողությանը։
