Թրամփի համբերության բաժակը լցվել է. Լևիթ
Հերքվել են լուրերն այն մասին, ըստ որոնց ԱՄՆ նախագահ Դոնալդ Թրամփը վերջնագիր է ներկայացրել Ուկրաինայի նախագահ Վլադիմիր Զելենսկուն՝ ընդունելու հաշտության մշտական առաջարկը «մինչև օրվա վերջ», հակառակ դեպքում ԱՄՆ-ը կարող է հրաժարվել խաղաղ բանակցություններից։ Այս մասին CNN-ին ասել է Սպիտակ տան մամուլի քարտուղար Քերոլայն Լևիթը
«Մինչև այսօրվա վերջ չէ»,-ասել է նա:
Միևնույն ժամանակ, Լևիթը նաև հայտարարել է, որ Թրամփը գնալով ավելի է հիասթափվում, և «նա պետք է տեսնի՝ ինչով է այս ամենն ավարտվելու»:
Նա հավելել է, որ Ուկրաինայի նախագահն ընթանում է «սխալ ուղղությամբ», երբ խոսքը վերաբերում է խաղաղ բանակցություններին, և որ «Զելենսկին փորձում է մամուլում վիճարկել այս խաղաղ բանակցությունները, և դա նախագահի համար անընդունելի է»։
«Նրա համբերության բաժակը լցվել է»,-հավելել է Սպիտակ տան մամուլի քարտուղարը՝ նկատի ունենալով Թրամփին։
