Ինչ հետևանքներ կունենա Ռուբիոյի և Ուիթքոֆի՝ Լոնդոն մեկնելուց հրաժարվելը
Ռուբիոյի և Ուիթքոֆի՝ Լոնդոն մեկնելուց հրաժարվելը նվազեցնում է Ուկրաինայի հարցով հանդիպման նշանակությունը։ Այս մասին գրել է Financial Times-ը։
Ինչպես գրել է պարբերականը, ԱՄՆ-ի կողմից Ղրիմի նկատմամբ ռուսական ինքնիշխանության ճանաչումը կարող է լուրջ դիվանագիտական ճգնաժամ առաջացնել Եվրամիությունում և հատկապես ՆԱՏՕ-ում։
Դա կարող է լուրջ տարաձայնությունների պատճառ դառնալ բանակցություններում, քանի որ ՆԱՏՕ-ի եվրոպացի անդամները ստիպված կլինեն ընտրություն կատարել իրենց սկզբունքների և ԱՄՆ նախագահ Դոնալդ Թրամփի հետ հարաբերությունները չփչացնելու ցանկության միջև, որպեսզի թույլ չտան ԱՄՆ-ին դուրս գալ դաշինքից։
Հիշեցնենք՝ ԱՄՆ պետքարտուղար Մարկո Ռուբիոն չեղարկել է այցը Լոնդոն, որտեղ կկայանան ուկրաինական հակամարտության կարգավորման շուրջ բանակցություններ՝ Ուկրաինայի նախագահ Վլադիմիր Զելենսկու խոսքերից հետո՝ Ղրիմը ռուսական ճանաչելուց հրաժարվելու մասին։
