Հայտնի են Ուկրաինայի վերաբերյալ Թրամփի ծրագրից մանրամասներ

ԱՄՆ նախագահ Դոնալդ Թրամփի ուկրաինական կարգավորման ծրագիրը կարող է ներառել եվրոպական ուժեր Ուկրաինա՝ հրադադարի պահպանումն ապահովելու համար, գրում է New York Post-ը՝ վկայակոչելով ԱՄՆ վարչակազմի բարձրաստիճան պաշտոնյային։

«Չնայած պայմանները վերջնական են, քանի որ Կիևը և Մոսկվան ներքին քննարկումներ են անցկացնում ծրագրի շուրջ, վարչակազմի բարձրաստիճան պաշտոնյան ասել է, որ նրանք կարող են ներառել եվրոպական ուժերի տեղակայումը Ուկրաինա, եթե զինադադար ձեռք բերվի»,–գրում է թերթը։

Հրատարակության համաձայն՝ ներկայումս քննարկվում է նաև առանձին խաղաղապահ ուժերի տեղակայումը համատեղ հանձնաժողովի տեսքով՝ Ռուսաստանի, Ուկրաինայի և երրորդ՝ ՆԱՏՕ-ի անդամ չհանդիսացող երկրի մասնակցությամբ՝ շփման գծի մոնիտորինգի և հրադադարի ապահովման համար։

Ինչպես գրում է հրատարակությունը, ԱՄՆ-ի մասնակցությունը նույնպես հնարավոր է, սակայն ոչ թե ռազմական, այլ դրամական տեսքով։

Պարբերականը նշում է, որ ԱՄՆ նախագահի հատուկ բանագնաց Սթիվ Վիտկովն այս շաբաթ կարող է Ռուսաստանին ներկայացնել վերջին՝ լավագույն առաջարկը, որը կարող է ներառել որոշ պատժամիջոցների վերացում։