Պուտինը պատասխանել է ԵՄ-ի սպառնալիքներին
ՌԴ նախագահ ՎլադիմիրՊուտինը կասկածում է, որ եվրոպացի պաշտոնյաներն ունեն այնպիսի գործիքակազմ, որպեսզի կյանքի կոչեն իրենց սպառնալիքները մայիսի 9-ին Մոսկվա ժամանել պատրաստվող առաջնորդների նկատմամբ:
«Նախ, սպառնալու և սպառնալիքներն իրագործելու համար պետք է ունենալ անհրաժեշտ գործիքներ։ Եվ երկրորդ՝ պետք է պատրաստ լինել կիրառելու այդ ուժերն ու միջոցները։ Արդյոք այդ բոլորն ունեն եվրոպացի պաշտոնյաները՝ չգիտեմ», - ասել է Պուտինը, պատասխանելով լրագրողների հարցին։
Ռուսաստանի առաջնորդի խոսքով՝ Ռուսաստան ժամանող եվրոպական առաջնորդներն ունեն խիզախություն։
«Նրանք շատ ավելի համարձակություն ունեն, քան ինչ որ մեկի հետևում թաքնվողները և սպառնացողները. տվյալ դեպքում` սպառնալով նրանց, որոնք պատրաստվում են նշել նացիզմի դեմ պայքարում իրենց կյանքը տված մարդկանց պատմական վաստակը», - ասել է Պուտինը:
ԵՄ անդամության թեկնածու երկրների առաջնորդներին արգելված է մասնակցել Մոսկվայում Հաղթանակի 80-ամյակի տոնակատարություններին, նրանք խստագույնս կպատժվեն դրա համար: Այս մասին Եվրամիության արտգործնախարարների հանդիպման արդյունքներով հայտարարել են երկու պաշտոնյաներ՝ նախ՝ Լատվիայի ԱԳ նախարար Բայբա Բրաժեն, ապա ԵՄ դիվանագիտության ղեկավար, Էստոնիայի նախկին վարչապետ Կայա Կալասը։ Վերջինսկոչ է արել եվրոպացի առաջնորդներին մայիսի 9-ին այցելել ոչ թե Մոսկվա, այլ Կիև՝ Ուկրաինային հայտնելու իրենց աջակցությունը:
