Պեսկովն անդրադարձել է Թրամփի հայտարարությանը

Mariam Z. 1 րոպե 134 դիտում

21.04.2025 14:31

Ռուսաստանը բաց է Ուկրաինայում հակամարտությունը խաղաղ ճանապարհով լուծելու ուղիներ գտնելու համար։ Այս մասին լրագրողների հետ ճեպազրույցում հայտարարել է Կրեմլի պաշտոնական ներկայացուցիչ Դմիտրի Պեսկովը։

«Գիտեք, ես հիմա չէի ցանկանա որևէ մեկնաբանություն տալ, հատկապես՝ ժամկետների վերաբերյալ: Նախագահ Վլադիմիր Պուտինը և ռուսական կողմը բաց են մնում խաղաղ կարգավորման որոնումների համար և շարունակում են աշխատել ամերիկյան կողմի հետ: Եվ, իհարկե, մենք հույս ունենք, որ այդ աշխատանքն արդյունք կտա», - նշել է Պեսկովը:

Հիշեցնենք` ապրիլի 20-ին Թրամփը հույս էր հայտնել, որ Ռուսաստանն ու Ուկրաինան համաձայնության կգան հրադադարի շուրջ և այս շաբաթ կդադարեցնեն հակամարտությունը։