Հայտարարագրերի վերջնաժամկետը երկարաձգվել է
Այսօր ԱԺ-ում տնտեսական հարցերի մշտական հանձնաժողովի նախագահի տեղակալ, «Քաղաքացիական պայմանագիր» խմբակցության պատգամավոր Բաբկեն Թունյանը հայտնել է, որ մինչ այժմ մոտ 35 հազար քաղաքացի է հայտարարագիր ներկայացրել։։
«Սա հայտարարագրման պարտավորություն ունեցողների շատ փոքր տոկոսն է կազմում»,- նշել է նա
Թունյանը նշել է, որ այս ցուցանիշի համար օբյեկտիվ և սուբյեկտիվ պատճառներ կան։ Ըստ նրա՝ զգալի մասը հայտարարագիր չի լրացնում նույնականացման քարտ ստանալու գործընթացի ձգձգման հետ կապված։ Մի մասն էլ արդեն մի քանի ամիս է՝ գիտի, որ հայտարարագրման վերջնաժամկետը երկարաձգվել է մինչև նոյեմբերի 1-ը։ Երրորդ պատճառն էլ այն է, որ ընդդիմադիր որոշ շրջանակներ դեմոնիզացրել են հայտարարագրման համակարգը, ուստի իրենք ստիպված են մեծ աշխատանք կատարել քաղաքացիների հետ։
