Պեսկովը՝ Զատկի զինադադարը երկարացնելու մասին

Զատկի զինադադարի ժամկետը կլրանա հաջորդ օրվա կեսգիշերին, և այն երկարաձգելու հրամաններ չեն եղել։ Այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը։

Պուտինը հրադադարի մասին հայտարարեց շաբաթ օրը, որն ուժի մեջ կմտնի ապրիլի 19-ին Մոսկվայի ժամանակով ժամը 18:00-ից մինչև ապրիլի 21-ը Մոսկվայի ժամանակով ժամը 00:00-ն:

«Այլ հրամաններ չեն եղել»,- պատասխանել է Պեսկովը այն հարցին, թե արդյո՞ք հրադադարը կերկարաձգվի։

Զատկի զինադադարի ժամանակ, որը կտևի ընդհանուր առմամբ 30 ժամ, Պուտինն արգելել է ցանկացած ռազմական գործողություն Ուկրաինայի հատուկ ռազմական գործողության գոտում։ Նա նաև հրամայել է վերահսկել ուկրաինացի զինվորականների գործողությունները, որոնք կարող են խախտել հարվածների մորատորիումը և արագ հետ մղել Ուկրաինայի զինված ուժերի հարձակումները։