Ֆրանսիայից կոչով դիմել են Զելենսկիին
Եթե Ուկրաինայի նախագահ Վլադիմիր Զելենսկին չընդունի Զատկի զինադադարի մասին Ռուսաստանի առաջարկը, դա մեծ քաղաքական սխալ կլինի։ Այս մասին հայտարարել է Ֆրանսիայից Եվրախորհրդարանի պատգամավոր Թիերի Մարիանին, փոխանցում է «ՌԻԱ Նովոստին»։
Ապրիլի 19-ին ՌԴ նախագահ Վլադիմիր Պուտինը ՌԴ Զինված ուժերի գլխավոր շտաբի պետ Վալերի Գերասիմովի հետ հանդիպման ժամանակ հայտարարեց Զատկի զինադադարի մասին։ Պետության ղեկավարի առաջարկով ռուսական կողմը կդադարեցնի բոլոր ռազմական գործողությունները ապրիլի 19-ի ժամը 18:00-ից մինչև ապրիլի 21-ի ժամը 00:00-ն: Պուտինը, հայտարարելով Զատկի զինադադարի մասին, ասել է, որ Ռուսաստանը ենթադրում է, որ Ուկրաինան կհետևի օրինակին և կդադարեցնի ռազմական գործողությունները:
