Ուկրաինյաի ԶՈՒ-ին հրամայվել է դադարեցնել կրակը. BBC

Ուկրաինայի զինված ուժերը կրակը դադարեցնելու և հրադադարի խախտումներ արձանագրելու հրաման են ստացել։ Այս մասին հայտնում է BBC-ն՝ վկայակոչելով Ուկրաինայի ռազմական աղբյուրին։

BBC-ի աղբյուրը, որը  ​​բարձրաստիճան սպա է ասել է, որ իրեն և մյուս ստորաբաժանումներին հրամայվել է դադարեցնել ռուսական դիրքերի հրթիռակոծումը երեկոյան ժամը 18-ից մի քանի րոպե անց։ Զինվորականները պետք է հավաքեն նաև լուսանկարչական և վիդեո նյութեր, որոնք ապացուցում են, որ հակառակորդը չի դադարեցրել ռազմական գործողությունները։ Անհրաժեշտության դեպքում Ուկրաինայի զինված ուժերը պատասխան կրակ կբացեն:

Ապրիլի 19-ին ՌԴ նախագահ Վլադիմիր Պուտինը ՌԴ Զինված ուժերի գլխավոր շտաբի պետ Վալերի Գերասիմովի հետ հանդիպման ժամանակ հայտարարեց Զատկի զինադադարի մասին։ Պետության ղեկավարի առաջարկով ռուսական կողմը կդադարեցնի բոլոր ռազմական գործողությունները ապրիլի 19-ի ժամը 18:00-ից մինչև ապրիլի 21-ի ժամը 00:00-ն: Պուտինը, հայտարարելով Զատկի զինադադարի մասին, ասել է, որ Ռուսաստանը ենթադրում է, որ Ուկրաինան կհետևի օրինակին և կդադարեցնի ռազմական գործողությունները: