Զելենսկին հայտարարություն է տարածել

Ուկրաինայի նախագահ Վլադիմիր Զելենսկին հայտարարել է, որ Կիևը պատրաստ է «հայելային» պատասխան տալ Զատկի զինադադարի ժամանակ Ռուսաստանի ցանկացած գործողություններին։ Այս մասին նա գրել է իր Telegram ալիքում։

Զելենսկին ընդգծել է, որ եթե Ռուսաստանն իրականում պահպանի հրադադարի ամբողջական և անվերապահ ռեժիմը, Ուկրաինան կպատասխանի նույն կերպ։

«Լռություն՝ ի պատասխան լռության, հարվածներ՝ ի պաշտպանություն հարվածների»,- նշել է Ուկրաինայի նախագահը։

Զելենսկին հավելել է, որ «եթե իսկապես լիակատար լռություն տիրի», Ուկրաինան կառաջարկի երկարաձգել զինադադարը Զատիկից հետո: Նախագահն ասել է, որ 30-ժամյա հրադադարը բավական է միայն վերնագրերի համար, մինչդեռ 30-օրյա ժամկետը կարող է վստահություն կառուցելու և խաղաղություն հաստատելու իրական հնարավորություն տալ:

«Երեսուն օրը կարող է խաղաղությանը հնարավորություն տալ»,- ընդգծել է Զելենսկին։