Ֆրանսիական ֆրեգատը Կարմիր ծովում ԱԹՍ է ոչնչացրել
Ֆրանսիական ֆրեգատը Կարմիր ծովում ոչնչացրել է Եմենից արձակված անօդաչու թռչող սարքը: Այս մասին հայտարարել Է Ֆրանսիայի պաշտպանության նախարար Սեբաստիան Լեկորնյուն X սոցցանցի իր էջում:
«Կարմիր ծովում Ֆրանսիական ֆրեգատի կողմից Եմենից արձակված դրոնի ոչնչացումը։ Մեր զինված ուժերը շարունակում են կատարել նավարկության ազատության երաշխավորման իրենց պարտավորությունները», - գրել է նա՝ հաղորդագրությանը կցելով թիրախի խոցման ժամանակ տեղի ունեցած պայթյունի պատկերը։
Նախարարը, սակայն, մանրամասներ չի ներկայացրել և չի հայտնել, թե երբ է դա տեղի ունեցել:
