Թրամփը խոսել է Իրանի հարցով երկու առաջարկների մասին
ԱՄՆ-ը չի շտապում հարձակվել Իրանի վրա Թեհրանի զարգացող միջուկային ծրագրի պատճառով: Այս մասին հայտարարել է ԱՄՆ նախագահ Դոնալդ Թրամփը՝ Սպիտակ տանը պատասխանելով լրագրողների հարցերին։
Նրան խնդրել են մեկնաբանել միջուկային ծրագրի պատճառով Իսլամական Հանրապետության վրա հարձակվելու հնարավորությունը։
«Ես չէի ասի, որ մերժել եմ այս տարբերակը: Ես չեմ շտապում դա անել, քանի որ կարծում եմ, որ Իրանը հնարավորություն ունի ստեղծելու մեծ երկիր և երջանիկ ապրել առանց մահերի: Սա իմ առաջին տարբերակն է։ Երկրորդ տարբերակն այն է, որ Իրանի համար շատ վատ կլինի։ Չեմ ուզում անել մի բան, որը կարող է վնասել, բայց Իրանը չի կարող միջուկային զենք ունենալ»,- ասել է նա։
«Ես ճանաչում եմ Իրանի ժողովրդին: Նրանք հիանալի ժողովուրդ են: Նրանք միշտ եղել են շատ խելացի, շատ եռանդուն, շատ հաջողակ, և ես չեմ ուզում անել որևէ բան, որը վնաս կտա: Ես իսկապես չգիտեմ: Մենք չենք ուզում խլել նրանց արդյունաբերությունը: Մենք չենք ուզում խլել նրանց հողը»,- նշել է ԱՄՆ նախագահը։
