Լուրջ խնդիրների առաջ կկանգնենք․ Էրդողան
Մենք չենք ցանկանում նոր ճգնաժամեր մեր տարածաշրջանում, որն արդեն երկար տարիներ տուժել է անկայունությունից և հակամարտություններից։ Ըստ տեղական լրատվամիջոցների՝ դրա մասին հայտարարել է Թուրքիայի նախագահ Ռեջեփ Թայիփ Էրդողանը։
Նա հայտնել է, որ «հյուսիսային Սիրիայում և Իրաքում անդրսահմանային գործողությունների շնորհիվ Թուրքիան մոտեցել է ահաբեկչությունը սաղմում վերացնելուն և այժմ անցնում է նոր փուլի»։ Նրա կարծիքով՝ ապագայում պայքարը լինելու է ոչ թե նավթի, այլ ջրի՝ 21-րդ դարի ամենառազմավարական ռեսուրսի համար։
«Թուրքիան ջրի առատ երկիր չէ, մենք ապրում ենք սակավաջրության պայմաններում, եթե միջոցներ չձեռնարկենք, շատ ավելի լուրջ խնդիրների առաջ կկանգնենք»,- ասել է Էրդողանը։
