Ես երբեք չեմ օգտագործում ցեղասպանություն բառը. Մարկ Քարնի

Կանադայի վարչապետ և իշխող «Լիբերալ կուսակցության» առաջնորդ Մարկ Քարնին հրաժարվել է Գազայի հատվածում ստեղծված իրավիճակը ցեղասպանություն անվանել։

«Իրավիճակը Գազայի հատվածում սարսափելի է, բայց ես երբեք չեմ օգտագործում ցեղասպանություն բառը քաղաքականության մեջ, որպեսզի չքաղաքականացնեմ իրավիճակը»,-ասել է կառավարության ղեկավարը Ազգային հեռուստաալիքներով հեռարձակվող բանավեճի ժամանակ՝ արտահերթ խորհրդարանական ընտրություններից առաջ։

Նշենք, որ բանավեճի ընթացքում ընդդիմադիր «Նոր դեմոկրատական ​​կուսակցության» առաջնորդ Ջագմեթ Սինգհը, մասնավորապես, կոչ է արել Գազայի հատվածում տիրող իրավիճակը ճանաչել որպես ցեղասպանություն։