Այդ երկիրը զբաղվում է Ռուսաստանի տարածքում զենքի արտադրությամբ․ Զելենսկի

Ուկրաինան տվյալներ ունի Ռուսաստանին չինական զենքի մատակարարումների մասին, այդ թվում՝ վառոդի և հրետանային համակարգերի։ Այս մասին հայտարարել է Ուկրաինայի նախագահ Վլադիմիր Զելենսկին` փոխանցում է «Ինտերֆաքս-Ուկրաինա»-ն։

«Խոսքը, մասնավորապես, վառոդի և հրետանու մասին է, բացի այդ, Չինաստանը զբաղվում է Ռուսաստանի տարածքում զենքի արտադրությամբ»,- ասել է Զելենսկին։

Նախկինում Չինաստանի հասցեին նմանատիպ մեղադրանքներ էին հնչեցրել G7-ը անցյալ տարվա հոկտեմբերին։ Այն ժամանակ G7-ի երկրների պաշտպանության նախարարները մտահոգություն հայտնեցին Ռուսաստանի և Չինաստանի միջև ռազմական համագործակցության ամրապնդման կապակցությամբ և դա կապեցին Ուկրաինայում «ապակայունացնող գործողությունների» հետ։