Դա լինելու է իմ առաջին քայլը, գիտեմ՝ որտեղից բյուջեն ավելացնել. Ղուկասյան

Վարդան Ղուկասյանը Գյումրիի քաղաքապետ ընտրվելուց հետո հայտարարել է, որ իր առաջին քայլն ուղղված է լինելու մարդկանց աշխատավարձերի բարձրացմանը։

Նրա խոսքով՝ պետք է ավելացնել համայնքի բյուջեն:

«Ես գիտեմ՝ որտեղից բյուջեն ավելացնել»,- ասել է նա։

Ղուկասյանը նաև անդրադարձել է ՔՊ խմբակցության կողմից ավագանու աշխատանքները բոյկոտելու հնարավորությանը:

«Ինչ քայլ անեն, ժողովրդին են անելու, Ղուկասյանի խնդիրը չէ այստեղ, քաղաքի բնակչության խնդիրն է։ Եթե պետք է ոտ պահեն բնակչությանը, բնակչությունն իր կարծիքը կասի դիմացի ընտրություններին»,- ասել է նա։