Այդ դեպքում Իսրայելը կընդլայնի ռազմական գործողությունները. ՊՆ
Իսրայելը կընդլայնի ռազմական գործողությունները Գազայի հատվածում, եթե ՀԱՄԱՍ-ը շարունակի հրաժարվել պատանդների մասին համաձայնագրից: Այս մասին գրել է Իսրայելի պաշտպանության նախարարը X սոցիալական ցանցի էջում:
«Իսրայելի քաղաքականությունը Գազայում, որը վարում է Իսրայելի պաշտպանության բանակի հրամանատարությունը քաղաքական ղեկավարության աջակցությամբ, պարզ է: Առաջին հերթին պետք է բոլոր միջոցները ձեռնարկել բոլոր պատանդներին ազատելու համար (ԱՄՆ նախագահի հատուկ բանագնաց Սթիվեն) Ուիթկոֆի ծրագրի շրջանակներում և հետագայում ՀԱՄԱՍ-ի ջախջախման համար պայմաններ ստեղծել: Եթե ՀԱՄԱՍ-ը համառի համաձայնագրից հրաժարվելու հարցում, իսրայելական զորքերի գործողությունները կընդլայնվեն և կանցնեն նոր փուլերի»,- նշել է նա:
