Կործանված ինքնաթիռի բոլոր ուղևորները զոհվել են
ԱՄՆ-ի Նյու Յորք նահանգում կործանված թեթև ինքնաթիռի բոլոր վեց ուղևորները զոհվել են, այս մասին հայտնում է NBC-ն։
«Ոչ ոք չի փրկվել շաբաթ օրը մասնավոր ինքնաթիռի վթարից»,- ասվում է հեռուստաալիքի հայտարարության մեջ:
Նշվում է, որ ինքնաթիռում վեց մարդ է եղել, նրանք թռչում էին պլանավորված ընտանեկան տոնակատարության։
Հավելենք, որ ապրիլի 10-ին Նյու Յորքում զբոսաշրջային ուղղաթիռ է կործանվել՝ ընկնելով Հադսոն գետը։ Ինքնաթիռում եղել է վեց մարդ, այդ թվում՝ Siemens կոնցեռնի իսպանական մասնաճյուղի ղեկավար Ագուստին Էսկոբարը՝ կնոջ և երեք երեխաների հետ։
