Պենտագոնից նշել է՝ որն է ԱՄՆ-ի համար ամենալուրջ հնարավոր վտանգը
Պենտագոնը կարծում է, որ ԱՄՆ-ի համար ամենալուրջ հնարավոր վտանգը կլինի նրա պոտենցիալ հակառակորդների կողմից տիեզերք միջուկային զենքի տեղակայումը։ Այս մասին Ներկայացուցիչների պալատի Զինված ծառայությունների հանձնաժողովի լսումների ժամանակ հայտարարել է ԱՄՆ տիեզերական հրամանատարության ղեկավար, գեներալ Սթիվեն Ուայթինգը։
«Սպառնալիքներից, որոնց մենք կարող ենք հանդիպել, սա ամենաանհանգստացնողն է։ Մենք, անշուշտ, դիտարկում ենք բոլոր հնարավոր տարբերակները, որպեսզի համոզվենք, որ նման սարքը վտանգ չի ներկայացնում մեր տիեզերական հնարավորությունների համար»,-ասել է նա`պատասխանելով հարցին, թե ինչ հետևանքներ ունի Միացյալ Նահանգների համար «միջուկային զենքի տեղակայումը ուղեծրում»:
Օրենսդիրը պնդել է, որ Ռուսաստանը նման զինատեսակներ տիեզերք տեղակայելու ծրագրեր ունի։
«Մենք, անշուշտ, դիտարկում ենք բոլոր հնարավոր տարբերակները՝ մեր տիեզերական ներուժի համար նման սարքի հետ կապված սպառնալիք թույլ չտալու համար», - ասել է Ուայթինգը և հավելել․ «Ես համաձայն եմ, որ սա ամենավտանգավոր պոտենցիալ զենքն է մեր տիեզերական ճարտարապետության համար»:
