Ադրբեջան-Նախիջևան նոր լարով. Իրանը դառնում է ստրատեգիական միջանցք

Իրանի տարածքով նախատեսվում է անցկացնել էլեկտրահաղորդման գիծ, որը կապ կհաստատի Ադրբեջանի և Նախիջևանի միջև։

Ադրբեջանական լրատվամիջոցների փոխանցմամբ՝ այս նախաձեռնության մասին հայտարարվել է Ադրբեջանի պաշտոնյաների և Իրանի ճանապարհների ու քաղաքաշինության նախարար Ֆարզանա Սադեղիի մասնակցությամբ կայացած ընդլայնված հանդիպման ժամանակ։

Նշվել է, որ նոր էլեկտրահաղորդման գիծը ոչ միայն կապահովի էներգետիկ անվտանգություն, այլև կնպաստի երկու երկրների միջև էլեկտրաէներգիայի ոլորտում համագործակցության խորացմանը։