Օրական 998 դոլարի տուգանք` ԱՄՆ-ն չլքելու դեպքում

ԱՄՆ նախագահ Դոնալդ Թրամփի վարչակազմը նախատեսում է խստացնել արտաքսման ենթակա միգրանտների նկատմամբ կիրառվող միջոցները։ Ինչպես հայտնում է Reuters-ը՝ հղում անելով ուսումնասիրած փաստաթղթերին, նրանք, ովքեր չեն լքի ԱՄՆ տարածքը սահմանված ժամկետում, կտուգանվեն օրական 998 դոլարով։

Տուգանքը չվճարելու դեպքում նրանց գույքը ենթակա կլինի բռնագրավման։ Ըստ աղբյուրի՝ նոր քաղաքականությունը կարող է կիրառվել նաև հետին թվով՝ մինչև 5 տարի, ինչը կարող է հանգեցնել ավելի քան 1 միլիոն  գանձումների։

Այս քայլերը Թրամփի վարչակազմը դիտարկում է որպես միգրացիոն քաղաքականության խստացման նոր փուլ։