Որ դեպքում արցախցիները գումար կստանան
2023 թ. հոկտեմբերից ի վեր պետբյուջեից Արցախից տեղահանվածներին աջակցելու նպատակով հատկացվել է ավելի քան 115 միլիարդ դրամ՝ տարբեր ծրագրերով։ Այս մասին Հանրային հեռուստաընկերության եթերում հայտարարեց փոխվարչապետ Տիգրան Խաչատրյանը։
Տիգրան Խաչատրյանի խոսքով, Կառավարությունը 40+10 ծրագիրը դարձնում է ավելի թիրախային, և չի բացառվում, որ աջակցությունը շարունակվի մինչև տարեվերջ՝ խոցելի անձանց համար։
«Օրինակ, երեխաներին, հաշմանդամության առաջին և երկրորդ խմբի անձանց, կենսաթոշակառուներին տրամադրում ենք 40 հազար դրամ, և եթե մեկ անձի ամսական եկամուտը 55 հազար դրամից պակաս լինի, մենք կտանք աջակցություն՝ 40 հազար դրամ՝ եթե ընտանիքը բաղկացած է մեկ մարդուց, և 10 հազար դրամ՝ յուրաքանչյուր հաջորդ անդամի համար»,- նշել է փոխվարչապետը։
