Պռոշյանցիների և ՏԿԵ փոխնախարարի հանդիպումը ավարտվել է

Պռոշյանի և Քասախի բնակիչների բողոքի ֆոնին կայացած հանդիպումն ավարտվել է, իսկ թիվ 25 երթուղու հարցում կառավարությունը դիրքորոշումը չի փոխում

Պռոշյան և Քասախ համայնքների բնակիչների պահանջները քննարկվել են Տարածքային կառավարման և ենթակառուցվածքների նախարարության փոխնախարարի մասնակցությամբ կայացած հանդիպման ժամանակ, որը տևել է շուրջ 2,5 ժամ։ Թեև քաղաքացիները պնդում էին չհանել թիվ 25 համարի երթուղին, կառավարությունը շարունակում է մնալ իր նախորդ որոշման շրջանակում։

Միևնույն ժամանակ, Գագիկ Ծառուկյանին պատկանող ընկերությունը, որը սպասարկում է նշված երթուղին, հայտնել է, որ պատրաստ է տրանսպորտի սակագինը նվազեցնել 50 դրամով։

Հիշեցնենք, որ շաբաթ օրը Պռոշյան և Քասախ համայնքների բնակիչները փակել էին Երևան–Աշտարակ ճանապարհը՝ բողոքելով երթուղու հնարավոր վերացման դեմ։