Հայտնի է ԱՄՆ-ի մաքսատուրքերի ցուցակում ՌԴ-ին չընդգրկելու պատճառը

ԱՄՆ-ը Ռուսաստանին չի ներառել այն երկրների ցանկում, որոնց նկատմամբ մաքսատուրքեր են սահմանվում, քանի որ Վաշինգտոնը ներկայումս բանակցություններ է վարում Մոսկվայի հետ Ուկրաինայի հակամարտության կարգավորման շուրջ, ասել է Սպիտակ տան Ազգային տնտեսական խորհրդի տնօրեն Քևին Հասեթը:

ԱՄՆ նախագահ Դոնալդ Թրամփն ապրիլի 2-ին հայտարարել է այլ պետություններից ներմուծման համար փոխադարձ մաքսատուրքեր սահմանելու մասին: Մաքսատուրքերի բազային չափը կազմել է 10 տոկոս, ԵՄ-ի դեմ՝ 20 տոկոս, Չինաստանի դեմ՝ 34 տոկոս։

«Ակնհայտ է, որ բանակցություններ են ընթանում Ռուսաստանի և Ուկրաինայի հետ, և ես կարծում եմ, որ նախագահը որոշում է կայացրել չխառնել այս երկու հարցերը։ Դա չի նշանակում, որ Ռուսաստանին բոլորովին այլ կերպ են վերաբերվելու, քան ցանկացած այլ երկրի», - նշել է Հասեթը։

Նրա խոսքով՝ կողմերը հակամարտության մեջ կորցնում են մարդկանց։ Դրա ֆոնին, պարզաբանել է նա, մաքսատուրքերի հարցը խաղաղության հասնելու փորձերի ժամանակ հանելն անարդյունավետ կլիներ։

Ավելի վաղ արևմտյան ԶԼՄ-ները հայտնել էին, որ Ռուսաստանից, Բելառուսից և մի շարք այլ երկրներից ապրանքների մաքսատուրքեր չսահմանելու Թրամփի որոշումը բազմաթիվ վարկածներ և ենթադրություններ է առաջացրել: