Կիմա տատիկի ոտքին էլեկտրոնային վերահսկման սարք են տեղադրել. փաստաբան
Փաստաբան Ռուբեն Մելիքյանը ներկայացրել է նոր մանրամասներ «տատիկների գործից».
«Վարազդատի հետ Գյումրիում այցելեցինք Կիմա տատին։ Երեկ եկել էին ոտքին էլեկտրոնային վերահսկման սարքն էին տեղադրել (ասում է՝ «էկան բիլազուկը կապին ոտքիս»):
Հիշեցնեմ, որ Կիմա տատը ՉԻ ՄԵՂԱԴՐՎՈՒՄ ընտրության ժամանակ փող վերցնելու կամ տալու մեջ։ Նա մեղադրվում է «որպես ընտրակաշառք»՝ ջրագիծը փորողի գումարը (15 հզր դրամ) տալու «խոստումն ընդունելու» մեջ։ Մեղքը կտրականապես չի ընդունում։
ՀԳ. Շատ բան պատմեց, բայց դեռ չեմ գրում։ Աստծո պատիժը՝ ձեզ հրաման տվողների գլխին։ Էդքան բան»։
