Հոկեյիստ Օվեչկինը կրկնել է կանադացու ռեկորդը

«Վաշինգտոն Քեփիթալսի» ավագ և ռուսական հոկեյի խորհրդանիշ Ալեքսանդր Օվեչկինը երկու գոլ է խփել «Չիկագո Բլեքհոքսի» հետ խաղում և կրկնել կանադացի Ուեյն Գրեցկիի ռեկորդը գոլերի քանակով: 

Հանդիպման երկրորդ գոլը Ալեքսանդր Օվեչկինի համար 894-րդն է դարձել Հոկեյի ազգային լիգայի (NHL) կանոնավոր խաղերում։ Խաղն ավարտվել է 5:3 հաշվով՝ հօգուտ տանտերերի:

Օվեչկինը Գրեցկու ռեկորդը կրկնելուց հետո արել է իր առաջին մեկնաբանությունը․ «Դժվար է ինչ–որ բան ասել։ Շատ հույզեր»։ 

Ավելի վաղ նման արդյունքի էր հասել միայն կանադացի Ուեյն Գրեցկին։ 1994-ին նա դարձավ ռեկորդակիր, իսկ վերջին 894 գոլը խփեց 1999-ին: Այդ ժամանակից ի վեր նրա ռեկորդը համարվում էր անհասանելի: