Հիմա նրանք սատանաներ են. Զելենսկի
Բանակցությունների համար անհրաժեշտ է, որ ռուսները մարդասպաններ չլինեն, հիմա նրանք սատանաներ են, հայտարարել է Ուկրաինայի նախագահ Վոլոդիմիր Զելենսկին։
Ուկրաինայի նախագահը նաև կարծիք է հայտնել, որ մոտ ապագայում ԱՄՆ-ն կուժեղացնի պատժամիջոցները ռուսների վրա՝ հավելելով, որ տեղեկություններ ունի՝ «Ամերիկան մոտ է համապատասխան միջոցներ ձեռնարկելուն»։
Զելենսկին ընդգծել է, որ նախագահ Դոնալդ Թրամփի ներմուծած մաքսատուրքերը չեն ազդի Ուկրաինայի տնտեսության վրա, քանի որ շատ քիչ ապրանքաշրջանառություն ունեն ԱՄՆ-ի հետ։ Տուրքերը չեն ազդի նաև սպառազինության մատակարարումների ծավալների վրա։
«Ինչ վերաբերում է Ուկրաինա զորք ուղարկելու պատրաստ երկրներին, կոալիցիան ներառում է ոչ միայն Ֆրանսիան և Մեծ Բրիտանիան։ Նախ պետք է լիակատար զինադադար լինի, իսկ հետո Ուկրաինան ցանկացած ձևաչափով կարող է խոսել ռուսների հետ»,- ասել է Զելենսկին։
