Վրաստանի նախագահը նախ կայցելի Ադրբեջան, ապա՝ Հայաստան
«Վրացական երազանք» կուսակցության կողմից ընտրված, Վրաստանի վեցերորդ նախագահ Միխեիլ Կղավելաշվիլին ապրիլի կեսերին կայցելի Ադրբեջան, ապա՝ Հայաստան։ Այս մասին հայտնում է Aliq.ge-ն։
Նշվում է, որ Կղավելաշվիլիի նախատեսված այցերի մասին տեղեկությունը հրապարակել է նրա միջազգային հարաբերությունների հարցերով խորհրդական Լուկա Էխվաիան։
Այս երկու երկրներ այցելել է նաև «Վրացական երազանք»-ի առաջնորդ Իրակլի Կոբախիձեն՝ 2024 թվականի ընտրություններից հետո։ Մարտի 20-ին նա կրկին եղել է Երևանում և ներկա գտնվել Հայաստան-Վրաստան ֆուտբոլային հանդիպմանը։
Հիշեցնենք, որ Հայաստանը և Ադրբեջանը այն քիչ երկրներից էին, որոնք շնորհավորել էին Միխեիլ Կղավելաշվիլիին նախագահի պաշտոնում ընտրվելու կապակցությամբ։
