Հայաստանը պետք է որոշի, թե որտեղ է ավելի լավ. Գալուզին

Անհնար է միաժամանակ լինել ԵԱՏՄ-ում և ԵՄ-ում, բայց Հայաստանը պետք է որոշի, թե որտեղ է ավելի լավ: Այս մասին ՌԻԱ Նովոստիին ասել է ՌԴ փոխարտգործնախարար Միխայիլ Գալուզինը։


«Մենք համոզված ենք, որ անհնար է լինել միաժամանակ երկու հակադիր ասոցիացիաներում, ինչպես ԵԱՏՄ-ն ու Եվրամիությունն է»,- ասել է Գալուզինը։


Նա ընդգծել է, որ ԵԱՏՄ-ն հավասար պետությունների ասոցիացիա է, մինչդեռ ԵՄ-ն մի կառույց է, որտեղ «կա կարգապահություն՝ ստորադասված բրյուսելյան չինովնիկների կողմից իրականությունից կտրված հակառուսական պատմություններին»։


«Պաշտոնական Երևանը պետք է որոշի, թե որտեղ է ավելի լավ լինելու: Հուսով ենք, որ ԵԱՏՄ-ին անդամակցության բոլոր օգուտները և ԵԱՏՄ-ի հետ խզման հետևանքով կորուստների մասշտաբները կբացատրվեն հայ հասարակությանը, որպեսզի հայ հասարակությունն ունենա իրականության օբյեկտիվ պատկերացում»,- նշել է փոխնախարարը։


Գալուզինը հավելել է, որ Հայաստանն ինքնիշխան պետություն է, որն ինքնուրույն է ընտրում իր զարգացման վեկտորը։

Քաղաքականություն