ԱՄՆ սենատորը ռեկորդ է սահմանել՝ ելույթ ունենալով 25 ժամ
ԱՄՆ-ում Սենատի պատմության մեջ ամենաերկար ելույթի ռեկորդը գերազանցել է դեմոկրատ Քորի Բուքերը, որը մեկ օրից ավելի ելույթ է ունեցել ԱՄՆ գործող նախագահ, հանրապետական Դոնալդ Թրամփի դեմ, հայտնում է Associated Press-ը։
Բուքերն իր ելույթը սկսել է երկուշաբթի՝ մարտի 31-ի երեկոյան, և ավելի քան 25 ժամ անց միայն սենատորն ավարտել է իր ելույթը և լքել դահլիճը։ Դրանով նա գերազանցել է ռեկորդը, որը սահմանել էր 67 տարի առաջ Հարավային Կարոլինայի սենատոր Սթրոմ Թուրմոնդը, որը 24 ժամ 18 րոպե էր ծախսել՝ ներկայացնելով 1957 թվականին Քաղաքացիական իրավունքների մասին օրենքը:
