ԱՄՆ-ը ստանալու է համարժեք պատասխան․ Արաղչի
Դիվանագիտության պատուհանը միշտ բաց է, բայց մենք ճնշման ու սպառնալիքների ներքո ԱՄՆ-ի հետ ուղիղ բանակցությունների չենք գնա։ Այս մասին հայտարարել է Իրանի ԱԳ նախարար Սեյեդ Աբբաս Արաղչին, գրում է ParsToday-ը։
«Անուղղակի բանակցությունների պատճառը սպառնալիքներն են, որոնք անընդհատ հնչում են, և այդ գործողություններն իրականում պատասխան են ամերիկյան հալածանքներին: Մենք չենք բանակցում հետապնդումների պայմաններում, բայց մենք միշտ պատրաստ ենք եղել և պատրաստ ենք բանակցել իրավահավասար դիրքերից»,- ասել է Արաղչին։
Իրանի ԱԳ նախարարը հավելել է, որ ԱՄՆ նախագահի հետ՝ միջուկային ծրագրի շուրջ, կբանակցեն միայն 3-րդ երկրների միջոցով:
«Յուրաքանչյուր գործողություն և հայտարարություն ստանալու է համարժեք պատասխան»,- նշել է Արաղչին։
