ԱՄՆ-ին կոչ ենք անում հրթիռներ չտեղակայել այլ երկրների սահմանների մոտ. Վան Ի

Պեկինը կարծում է, որ Միացյալ Նահանգները պետք է դադարեցնի ռազմավարական անվտանգությունը խաթարող քայլերը, մասնավորապես՝ թուլացնի միջուկային զենքի դերը սեփական ազգային անվտանգության քաղաքականության մեջ, դադարեցնի միջուկային դաշինքներ ստեղծումը, միջին հեռահարության հրթիռներ չտեղակայի այլ պետությունների սահմանների մոտ և դադարեցնի հակահրթիռային պաշտպանության համաշխարհային համակարգի ստեղծումը: Այս մասին գրում է РИА Новости–ին տված հարցազրույցում ասել է Չինաստանի ԱԳՆ ղեկավար Վան Ին:

«Միացյալ Նահանգները պետք է արդյունավետորեն նվազեցնի միջուկային զենքի դերը ազգային անվտանգության մեջ և դադարեցնի այնպիսի գործողությունները, որոնք խաթարում են ռազմավարական անվտանգությունը, ինչպիսիք են «միջուկային դաշինքի» ստեղծումը «միջուկային փոխանակման» և «ընդլայնված միջուկային զսպման» միջոցով, ցամաքային միջին հեռահարության հրթիռների և այլ ռազմավարական ուժերի տեղակայումը այլ պետությունների սահմանների մոտ և գլոբալ հակահրթիռային պաշտպանության համակարգի ստեղծումը»,– ասել է Վան Ին:

«Մենք կոչ ենք անում Վաշինգտոնին լուրջ ջանքեր գործադրել միջուկային պատերազմի ռիսկերը նվազեցնելու և մոլորակի ապամիջուկայնացման նպատակին հասնելու համար»,– ասել  է նա։

Ավելի վաղ ԱՄՆ նախագահ Դոնալդ Թրամփը ստորագրել էր գործադիր հրաման, որով Պենտագոնի ղեկավար Փիթ Հեգսեթը պահանջում է մինչև մարտի 28-ը ներկայացնել ԱՄՆ հակահրթիռային պաշտպանության նոր սերնդի ստեղծման և տեղակայման մանրամասն ծրագիր: