Եթե Զելենսկին դա անի, կունենա մեծ խնդիրներ. Թրամփ

ԱՄՆ նախագահ Դոնալդ Թրամփը մեղադրել է Ուկրաինայի նախագահ Վլադիմիր Զելենսկիին ԱՄՆ-ի հետ օգտակար հանածոների շուրջ համաձայնագրի ստորագրումից հրաժարվելու համար: Այս մասին գրում է The Telegraph-ը:

ԱՄՆ նախագահը Air Force One նախագահական օդանավում լրագրողների հետ շփման ժամանակ ասել է. «Նա փորձում է հետ կանգնել հազվագյուտ հանածոների գործարքից, և եթե դա անի, կունենա մեծ, մեծ խնդիրներ»:

Օգտակար հանածոների վերաբերյալ գործարքի վերջին տարբերակը, ստորագրման դեպքում, ԱՄՆ-ին հնարավորություն կտա համատեղ ներդրումային հիմնադրամի միջոցով հասանելիություն ստանալ Ուկրաինայի նավթի, գազի և օգտակար հանածոների պաշարներին, իսկ եկամուտը բկաժանվի երկու երկրների միջև:

Զելենսկին ուրբաթ ասել էր, որ չի ստորագրի ԱՄՆ-ի հետ համաձայնագիրը, եթե այն սպառնա Ուկրաինայի հնարավոր անդամակցությանը ԵՄ-ին, քանի որ տեղեկություններ են հայտնվել, որ համաձայնագիրը կարող է հակասել ԵՄ տնտեսական ինքնիշխանության կանոններին: