Փեզեշքիանը մանրամասներ է հայտնել Թրամփին ուղղված նամակից
ԱՄՆ նախագահ Դոնալդ Թրամփին ուղղված պատասխան նամակում Իրանի իշխանությունները հրաժարվել են ուղիղ բանակցություններ վարել: Այս մասին հայտնել է Իսլամական Հանրապետության նախագահ Մասուդ Փեզեշքիանը` փոխանցում է IRNA-ն։
Նա հավելել է, որ նամակում նշվում է նաև, որ միջնորդների միջոցով Իրանի և ԱՄՆ-ի միջև երկխոսությունը շարունակելու հնարավորություն դեռ կա։
Փեզեշքիանը հավելել է, որ Իրանը չի խուսափում բանակցություններից, և միայն Վաշինգտոնի կողմից ստանձնած պարտավորությունների խախտումն է խնդիրներ առաջացրել գործընթացում։
Մարտի 28-ին Թրամփը հայտարարել էր, որ «վատ բաներ կարող են տեղի ունենալ» Իրանի հետ, եթե հանրապետության իշխանությունները համաձայնության չգան Վաշինգտոնի հետ Թեհրանի միջուկային ծրագրի վերաբերյալ։
