Գյումրիում և Փարաքարում ՆԳՆ ոստիկանությունն անցել է ուժեղացված ծառայության
Գյումրու և Փարաքարի ՏԻՄ ընտրությունների հետ կապված ՆԳՆ ոստիկանությունն անցել է ուժեղացված ծառայության, համայնքներում մեծ թվով ոստիկանական ուժեր կան:
«Հայկական ժամանակ»-ի հետ զրույցում Ներքին գործերի նախարարությունից հայտնեցին, որ ինչպես յուրաքանչյուր ընտրության ժամանակ, այնպես էլ հիմա ոստիկանությունը ուժեղացված ծառայություն է իրականացնում, ինչով և պայմանավորված է ոստիկանական վերակարգերի ներկայությունը տվյալ համայնքներում:
«Նպատակը հասարակական կարգի, անվտանգության, ինչպես և ընտրությունների բնականոն ընթացքի ապահովումն է»,- մանրամասնել են ՆԳՆ-ից:
