Թրամփի նամակը պարունակում է սպառնալիքներ. Արաղչի
ԱՄՆ նախագահ Դոնալդ Թրամփի՝ Թեհրանին ուղղված նամակը պարունակում էր նաև սպառնալիքներ, որոնք Իսլամական Հանրապետությունն անընդունելի է համարում։ Այս մասին հայտարարել է Իրանի ԱԳ նախարար Աբբաս Արաղչին:
«Ուղերձում կային տարրեր, որոնք կարելի է գնահատել որպես սպառնալիք։ Մենք թույլ չենք տա, որ որևէ մեկը իրանցի ժողովրդի հետ վերջնագրերի լեզվով խոսի։ Սակայն, չնայած դրան, ամեն ինչ արել ենք, որ տեղ մնա դիվանագիտության համար»,- ասել է նա:
Մարտի սկզբին Դոնալդ Թրամփը հայտնել էր, որ նամակ է հղել Իրանի գերագույն առաջնորդ Ալի Խամենեիին, որում հայտնել է, որ նախընտրում է միջուկային հարցը կարգավորել խաղաղ ճանապարհով:
