Հյուսիսային Կորեան լրացուցիչ զինծառայողներ է ուղարկել ՌԴ
Հյուսիսային Կորեան մոտ 3000 լրացուցիչ զինծառայող է ուղարկել Ռուսաստան՝ որպես Ուկրաինայում ՌԴ նախագահ Վլադիմիր Պուտինի պատերազմին աջակցելու շարունակության մաս: Այս մասին հայտնել են Հարավային Կորեայի զինվորականները:
Հյուսիսային Կորեան նաև ավելի շատ հրթիռներ, հրետանային սարքավորումներ և զինամթերք է ուղարկում Ռուսաստանին օգնելու համար:
Ռազմական տեխնիկան, որը Հյուսիսային Կորեան ուղարկել է Ռուսաստան, ներառում է զգալի քանակությամբ փոքր հեռահարության բալիստիկ հրթիռներ, 170 միլիմետրանոց ինքնագնաց հաուբիցներ և մոտ 220 միավոր 240 միլիմետրանոց համազարկային կրակի ռեակտիվ համակարգեր:
Հյուսիսային Կորեան մոտ 11,000 զինծառայող է ուղարկել Ուկրաինայի դեմ պատերազմին մասնակցելու համար:
