Զոհվել է ռուսական Առաջին ալիքի ռազմական թղթակիցը

Ռուսական Առաջին ալիքի ռազմական թղթակից Աննա Պրոկոֆևան զոհվել է Բելգորոդի մարզում՝ Դեմիդովկա գյուղի մերձակայքում։ Այս մասին հայտնել է բլոգեր Վլադիմիր Ռոմանովը։

«Խմբագրական առաջադրանք կատարելիս զոհվել է Առաջին ալիքի ռազմական թղթակից Աննա Պրոկոֆևան։ Խիզախ, ազնիվ և պարկեշտ մարդ։ Պրոֆեսիոնալ»,- ասել է նա:

Պրոկոֆևան պարբերաբար աշխատել է կրակի տակ՝ ռեպորտաժներ պատրաստելով հակամարտության գոտուց։

Նշենք, որ հեռուստաալիքը լուրը դեռ չի հաստատել։